Bharat Gogawale Hints at Alliance with BJP for Local Body Elections in Raigad | स्थानिक…
स्थानिक स्वराज्य संस्थांच्या निवडणुकीत कोणासोबत जाणार असे काही ठरलेले नाही. रायगडमध्ये आम्ही पहिले प्राधान्य देत आहोत ते भाजपला कारण त्यांची आणि आमची नैसर्गिक युती आहे हे सर्वांना माहिती आहे, असे मंत्री भरत गोगावले यांनी म्हटले आहे.जिल्हा परिषद निवडण
.
भरत गोगावले म्हणाले की, भाजपसोबत आमची चर्चा सुरू आहे, त्यांचा होकार आला तर ठीक आहे जर त्यांचा होकार आला नाही तर काय करायचे ते आम्ही ठरवू. उद्धव ठाकरे यांनी जमीनीच्या मुद्द्यावर केलेल्या टीकेला दुमत असण्याचे काही कारण नाही, असे वक्तव्य त्यांनी केले आहे. पण वस्तुस्थिती समोर येण्यासाठी मुख्यमंत्र्यांनी चौकशी लावलेली आहे.
राऊतांची तब्येत सुधारावी
भरत गोगावले म्हणाले की, संजय राऊत यांची तब्येत लवकर बरी व्हावी, त्यांना काही त्रास होऊ नये. राजकारण राजकारणाच्या ठिकाणी ठेवायचे असते. पण कुणाला त्रास व्हावा असे वाटायला ते काही शत्रू नाहीत, त्यांचे आणि आमचे मतभेद असतील पण म्हणून त्यांच्या तब्येतीबद्दल चुकीचे बोलणं योग्य नाही.
आम्ही आमची ताकद दाखवू
भरत गोगावले म्हणाले की, सुनील तटकरे यांच्या वक्तव्याची आम्ही दखल घेतलेली आहे. कोणाला असे वाटायला नको की आम्ही बोललो नाही महायुतीचे मंत्री म्हणून प्रस्ताव देणं हे आमची जबाबदारी होती. आम्ही आमची भूमिका मांडली आता आमचा प्रस्ताव कुणाला पटो अथवा न पटो हरकत नाही.सुनील तटकरे यांनी त्यांची ताकद दाखवावी आम्ही आमची ताकद दाखवू असे म्हणत सुनील तटकरे यांनी युतीचा प्रस्ताव नाकारल्याच्या प्रश्नावर बोलताना गोगावले यांनी म्हटले आहे. दूध का दूध पाणी का पाणी आपण दाखवून देऊ.
