‘त्या क्षणी त्याच्या कानाखाली…’ पत्नी मरणाच्या दारात असताना चाहत्याची ती मागणी ऐकून संतापलेला…

नुकतंच सीएनएन न्यूज 18 ला दिलेल्या मुलाखतीत सतीश शाह यांनी हा खुलासा केला आहे. अभिनेता सतीश शाहने त्यांना एका चाहत्याला जोरात कानाखाली मारायची इच्छा झाली होती, पण त्यामागचं कारणही तसंच होतं.’ असा खुलासा केला आहे. याबद्दलचा एक किस्सा सांगत ते म्हणाले, ‘‘भारतातील प्रेक्षक एक स्वतंत्र व्यक्ती आणि कलाकार यांच्यात फरक करू शकत नाहीत. कुठल्याही क्षणी तुम्ही विनोदीच असावं अशी अपेक्षा ते करतात. मग परिस्थिती काहीही असो.’’ Sushmita Sen : ‘मी ठीक आहे पण…’ चाहत्यांनी चिंता व्यक्त करताच सुष्मिता सेनने दिली मोठी हेल्थ अपडेट याबद्दलच बोलताना अभिनेता पुढे म्हणाला, ‘‘एकदा माझी पत्नी खूपच आजारी होती, ती जवळजवळ मरणाच्या दारात उभी होती.  त्यावेळी मी खूप तणावात होतो. आमच्या लग्नाला नुकतेच तीन महीने पूर्ण झाले होते. मी त्यावेळी बाहेर बसलो होतो, डोक्यात वेगळे विचार आणि चिंता होती. तेवढ्यात एक माणूस माझ्याजवळ आला आणि मला म्हणाला की काय तुम्ही एवढे गंभीर चेहेरा घेऊन बसलायत, एखादा विनोद सांगा.’’ त्यावेळी त्या माणसाला एक कानाखाली मारावी अशी इच्छा सतीश यांच्या मनात होती. याबद्दल बोलताना त्यांनी, ‘‘त्यावेळी मी स्वतःवर खूप नियंत्रण ठेवलं आणि तिथून निघून गेलो, पण ही गोष्ट कलाकारांसोबत नेहमीच घडत असतेच’’ असं म्हटलं आहे. सतीश हे बऱ्याच दिवसांपासून मनोरंजन क्षेत्रापासून दूर असून त्यांनी ब्रेक घेतला आहे. याविषयीचं कारण सांगताना त्यांनी , ‘मला माहित नाही, मला करावंसं वाटलं तर करेन. मी फक्त पैशासाठी चित्रपट करु शकत नाही. जेव्हा मला आतून प्रेरणा मिळेल तेव्हाच मी चित्रपट करेन. माझा शेवटचा चित्रपट ‘हमशकल्स (2014)’ केल्यानंतर कदाचित मी आतून नाराज झालोय.’ असा खुलासा केला होता.

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.