वयाच्या 55व्या वर्षी अक्षय कुमारचं तांडव नृत्य; विक्राळ अन् जटाधारी रुप पाहून प्रेक्षक म्हणाले,…

हर हर महादेव हे गाणं सोशल मीडियावर चांगलंच व्हायरल झालं असून प्रेक्षाकांच्या उत्तम प्रतिसाद गाण्याला मिळाला आहे. “बॉलिवूडकडे दुर्लक्ष केलं जाऊ शकतं पण अक्षय कुमारकडे नाही” असं म्हणत चाहत्यांनी अक्षय कुमारचं कौतुक केलं आहे. तसंच “वयाच्या 55 व्या वर्षी तांडव नृत्य करणं सोप्प नाही”, “हे गाणं शिव भक्तांसाठी पर्वणी आहे”, अनेकांनी गाणं पाहून “आमच्या अंगावर रोमांच उभे राहिले” असंही म्हटलं आहे.

हर हर महादेव हे विक्रम मोंट्रोस यांनी गायलं आहे तर त्याचे लिरिक्स शिखर अस्तित्व यांनी लिहिले आहेत. गाण्याची कोरिओग्राफी गणेश आचार्य यांनी केली आहे. तर संपूर्ण सिनेमाचं लेखन आणि दिग्दर्शन अमित रॉय यांनी केलंय. OMG2 हा OMG चा सिक्वेल आहे. OMG2 मध्ये अभिनेता अक्षय कुमारसह पंकज त्रिपाठी आणि अभिनेत्री यामी गौतमी प्रमुख भुमिकेत आहेत. सिनेमा 11 ऑगस्टला रिलीज होणार आहे. तर दुसरीकडे गदर 2 देखील त्याच दिवशी रिलीज होणार आहे. दोन्ही सिक्वेल सिनेमे 11 ऑगस्ट रोजी क्लॉश होणार आहेत.

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.